9489632

Í skugga þjóðernisstefnu stjórnarflokkanna, áróðurs gegn innflytjendum í skjóli forystu þeirra beggja, og arðráni umbjóðenda þeirra á Íslenska landgrunninu, þá hafa borist upplýsingar um að forystumenn þessara flokka eigi ýmist reikninga eða félög í skattaskjólum eða í löndum sem stunda peningaþvætti.

Sigmundur Davíð, Bjarni Benediktsson, Ólöf Nordal, Vilhjálmur Þorsteinsson, og nú síðast Júlíus Vífill, hafa öll verið gripin glóðvolg í rúmminu með skattsvikurum heimsins, vopnasölum, skipulagðri glæpastarfssemi, hryðjuverkasamtökum.

Nú bíða menn með öndina í hálsinum eftir því að mjög svo hæpaður stjörnu-rannsóknarblaðamaður, jóhannes kr kristjánsson, muni skila af sér þeirri flugeldasýningu í Kastljósi annað kvöld sem lofað hefur verið. Reyndar hefur mér oft þótt niðurstöður hans nokkuð dræmar, sumsé vangaveltur og spekúlasjónir, samsæriskenningar jafn vel. En í þessu tilfelli er nú þegar ljóst að siðferðisvitund landsmanna hefur verið stórlega misboðið.

Það er ljóst að þetta fólk þarf nú að horfast í augu við að um það gilda engar sér reglur. Það má vera að Sigmundur Davíð álíti sig vera hefðarkött, verandi alinn upp af Kögunarfólki, hann er einn um þá skoðun eins og komið hefur á daginn.

Vilhjálmur Þorsteinsson, sérfræðingur í skortstöðu á Íslenska Seðlabankann og hlaupadrengur Björgólfs Thors, heldur eflaust að hann sé hefðarköttur líka. Ég held að Vilhjálmur sé líka einangraður í þeirri sjálfsskoðun sinni.

Júlíus Vífill, með peningana sína í ‘Litlu Kólumbíu’, sjálfu Panama sem tekur við öllum helstu stríðsglæpamönnum og raðmorðingjum heims og veitir þeim pólitískt hæli og þvegið hefur arðinn af kókaínframleiðslu Kólumbíu alla tíð. Júlli Júlli,,,skamm, vondur kisi, skamm skamm

Ó ég gleymi því seint elskurnar mínar þegar ég fór frá Panama, þreföld vegabréfaskoðun, ÞREFÖLD, á leiðinni ÚT ÚR LANDINU.

Gunnar Waage

Gunnar Waage

- Gunnar Waage er blaðamaður og ritstjóri Sandkassans frá árinu 2013.

Hann er Trommari, Tónskáld og skólastjóri Trommuskólans, fyrrverandi deildarstjóri og einn af stofnendum Tónlistarháskóla G. Martell í Mexíkóborg. Hann lauk burtfararprófi frá McNally Smith College of Music, en duflar við kerfisfræði og er áhugamaður um bardagaíþróttir. Hann rýnir í þjóðfélagsmál og lætur sig flest varða.Hann er einstæður faðir, jafnréttissinni, fjölmenningarsinni og áhugamaður um velferð barna. Starfar við túlkun og þýðingar og fæst við spænskukennslu.


Hann er pistlahöfundur á Kvennablaðinu og var pistlahöfundur á DV en hætti skrifum á DV ásamt fleirum, í þeim tilgangi að sýna blaðamönnum og ritstjórn blaðsins samstöðu í kjölfar yfirtöku á félaginu í September 2014.
Gunnar Waage

Ekki bara skattaskjól heldur peningaþvætti

| Gunnar Waage |
About The Author
- - Gunnar Waage er blaðamaður og ritstjóri Sandkassans frá árinu 2013. Hann er Trommari, Tónskáld og skólastjóri Trommuskólans, fyrrverandi deildarstjóri og einn af stofnendum Tónlistarháskóla G. Martell í Mexíkóborg. Hann lauk burtfararprófi frá McNally Smith College of Music, en duflar við kerfisfræði og er áhugamaður um bardagaíþróttir. Hann rýnir í þjóðfélagsmál og lætur sig flest varða.Hann er einstæður faðir, jafnréttissinni, fjölmenningarsinni og áhugamaður um velferð barna. Starfar við túlkun og þýðingar og fæst við spænskukennslu. Hann er pistlahöfundur á Kvennablaðinu og var pistlahöfundur á DV en hætti skrifum á DV ásamt fleirum, í þeim tilgangi að sýna blaðamönnum og ritstjórn blaðsins samstöðu í kjölfar yfirtöku á félaginu í September 2014.