Fjórflokkurinn

Ríkisstjórn Sjálfstæðisflokks og Framsóknarflokks nýtur lítillar hylli meðal kjósenda og á það sameiginlegt með ríkisstjórn Jóhönnu Sigurðardóttur. Jóhönnustjórnin hljópst undan merkjum í sínum helstu stefnumálum, þ.á.m. uppstokkun á fiskveiðistjórnunarkerfinu sem einfaldlega var hætt við. Yfirlýsingar um aukið gagnsæi og minnkað ráðherraræði breyttust í andhverfu sína í raunveruleikanum. Jóhönnustjórnin rétt eins og Sigmundarstjórnin barðist af alefli gegn þjóðaratkvæðagreiðslum þrátt fyrir yfirlýsingar um beint lýðræði í eftirmála Íslenska efnahagshrunsins. Jóhönnustjórnin óð áfram í ESB málinu án nokkurs samráðs við alþýðuna og það gerir Sigmundarstjórnin líka. Svona mætti lengi telja.

Það er ekki svo einfalt fyrir gömlu flokkana, Samfylkingu og Vinstri Græna, að taka bara upp áherslur Pírata í þeim tilgangi að ná til baka sínu gamla fylgi. Þetta eru nefnilega áherslur sem þessir flokkar hafa haldið á lofti og svikið, lofað að umbylta kvótakerfinu, koma á beinu lýðræði og auka á gangsæi og minnka ráðherravaldið, en vinstri flokkarnir sviku þessi loforð sín á síðasta kjörtímabili.

Samfylkingin er komin á sama stað með landsfundafyrirkomulag sitt og Sjálfstæðisflokkurinn sem lýsir sér í því að komið er í veg fyrir að fólk sem er í flokknum fái að kjósa formann og taka þátt í landsfundarályktunum. Með þessu er Samfylkingin rétt eins og Sjálfstæðisflokkurinn búin að skera á öll málefnatengsl landsfundar við kjósendur sína og almenna félaga í flokknum. Með þessu er verið að aðskilja almenna félaga í þessum flokkum frá stefnumótun enda eru það landsfundargestir sem ákveða að stórum hluta stefnu flokkanna.

Síðan er ekki til að bæta þetta ólýðræði innan þessara flokka, að landsfundarsamþykktir þeirra skila sér jafnan ekki út í framferði kjörinna fulltrúa þessara flokka inni á alþingi. Enda til hvers að leggja eitthvað sérstaklega út frá samþykktum sem komið var í veg fyrir að félagar í flokknum fengju að kjósa um ?

Það er alveg ljóst að kjósendur eru ósáttir um þessar mundir, þeir eru þó fljótir að gleyma. Heit umræða sem fór fram fyrir örfáum vikum um kaup á gögnum um skattamál Íslendinga í skattaskjólum erlendis, er t.d. í algleymingi núna. Um leið og kosningabandalag að frumkvæði Pírata hljómar ekki illa við fyrstu áheyrn, þá þýðir það engu að síður að verið er að bjóða Samfylkingunni og Vinstri Grænum, grið. Þessi grið eru líklegast áhöld um hvort rétt sé að gefa þessum flokkum sem svikið hafa kjósendur ekkert síður en hægri flokkarnir. Allir þessir flokkar, Sjálfstæðisflokkurinn, Framsóknarflokkurinn, Samfylkingin, Vinstri Grænir, öðru nafni fjórflokkurinn, eru í raun eins og þeir blasa við kjósendum, lítið annað en disloyal pricks.

Hér í bænum er hópur gamalla kosningasmala sem hefur blandað sér í flestar óharðnaðar stjórnmálahreyfingar á undanförnum árum. Þetta eru gamlir refir sem fara létt með að snúa landsfundi og árangurslitlum stjórnarháttum upp í hallarbyltingar. Nú reynir á Pírata, hvort þeir eru með eldvegginn á sinni starfssemi uppi og starfandi. Eða hvort þeir eru með þetta allt í lausu lofti. Ef svo er, dæmi: Engin fundarsköp eru virt, engar sérstakar reglur virkar um trúnað, lög um starfssemi Pírata eru annað hvort óvirk eða ekki til staðar, þá verður hallarbylting í höll Pírata lítið mál, raunar eins og að drekka vatn. Vonandi átta þau sig á þessu. Þetta er ekki möguleiki heldur lögmál í pólitík. Vonandi gengur þeim vel að girða vel fyrir mögulegar glufur í starfsemi sinni.

En það eru fleiri væringar í stofnun nýrra stjórnmálahreyfinga. Kristileg Stjórnmálasamtök eru sem dæmi lítið fagnaðarefni enda fara þar fremstir í flokki menn sem þekktir eru fyrir biblíutilvísannir í bland við múslimafóbíu, nýrasisma og andúð á samkynhneigðum. Í þessu trúfélagi sem stefnir á framboð til alþingis eru líka þessir venjulegu kosningasmalar. Menn sem hafa í mörg ár reynt fyrir sér innan annara flokka en ekki þótt gjaldgengir til setu á framboðslistum. Niðurstaðan er chaos í pólitíska landslaginu á næstunni. áframhald uppgangs öfga og lýðskrums

leiðari

Hisabati (kutoka Kigiriki μάθημα máthēma, "maarifa, utafiti, kujifunza") ni utafiti wa mada kama vile wingi (idadi), muundo, nafasi, na change. ni mbalimbali ya maoni kati ya wanahisabati na falsafa kama wigo halisi na ufafanuzi wa hisabati.

Mathematicians kutafuta mwelekeo na matumizi yao ya kuunda dhana tu mpya. Mathematicians kutatua ukweli au uwongo wa dhana tu na ushahidi hisabati.

Fjórflokkurinn – disloyal pricks

| Leiðari |
About The Author
- Hisabati (kutoka Kigiriki μάθημα máthēma, "maarifa, utafiti, kujifunza") ni utafiti wa mada kama vile wingi (idadi), muundo, nafasi, na change. ni mbalimbali ya maoni kati ya wanahisabati na falsafa kama wigo halisi na ufafanuzi wa hisabati. Mathematicians kutafuta mwelekeo na matumizi yao ya kuunda dhana tu mpya. Mathematicians kutatua ukweli au uwongo wa dhana tu na ushahidi hisabati.