Landinu okkar er stjórnað af glæpamönnum.

Glæpamönnum sem hafa forherst og vaxið í sjálfhverfu sinni og ósvífni, gegnum áratuga tangarhald á löggjafa og framkvæmdavaldi, og nú síðast bætti hópurinn dómsvaldinu undir beltið hjá sér.

Haraldur Davíðsson skrifar:

Saga þessa glæpalýðs nærlangt aftur í tímann, og þótt bæði hafi fækkað og fjölgað í hópnum á víxl gegnum tíðina, hefur sami kjarninn haldist. Glæpagengi þetta hefur starfað í sína þágu og peningakúnna sinna af kostgæfni, og hafa smám saman sölsað alla skapaða hluti undir sig og sína…þeas, sé minnsta gróðavon sýnileg. Spilað er með fjöregg þjóðarinnar eins og ekkert sé, almenningi sagt berum orðum á sama tíma, að almenningi komi ekki við hvernig spilað er með peninga almennings.

Í gegnum sína fjölskyldu hefur forsætisráðherra komist vel á legg. Hann hefur að sama skapi sýnt þá hollustu og *velvilja* sem ætlast er til af hnum í staðinn, og verið afar duglegur við að sanka verðmætum að fjölskyldunni. Faðir hans á undan honum, og afi þar á undan, sýndu honum hvernig fara skuli að, og hvaða augum beri að líta umbjóðendur sína.

Föðurbróðir hans hefur svo verið tengiliðurinn við viðskiptaheiminn,og glæpaheims-guðfaðir forsætisráðherrans.
Á stundum hefur svo þetta ósvífna glæpagengi, þegið aðstoð frá öðru glæpagengi, og hefur það glæpagengi alltaf verið umsvifaminna, enda fengið, náðarsamlegast, að halda sínum kjarna, landbúnaðinum og heimóttarskapnum, í friði….sem nytsamlegur vesalingur.

Þetta glæpagengi hefur svo síðan um aldamótin, farið gersamlega hamförum innan samfélagsins okkar, fyrst með ósvífinni tilraun, hvar skoða skyldi hvernig fara á að því að einkavæða þjóð, hvar eittþúsundogfimmhundruð MILLJARÐAR voru sviknir út úr hagkerfinu okkar,og faldir á erlendri grundu, og síðan með ósvífni sinni og algerri sðvillu síðan, hvar gengið hefur fengið til liðs við sig ofbeldisgengi af erlendum uppruna, til að sjúga sem mest fé út úr téðri þjóð, meðan rykið undan þaulskipulögðu ráni sem sumir kalla hrun, sest aftur.
Þessi ósköp kostuðu fjölmarga bræður okkar og systur lífið, önnur vitið og 10% þjóðarinnar misstu heimili sín og atvinnu.

Fótósjoppaðar myndir, útspekúleraður sálfræðihernaður, innantóm loforð og yfirborðskennt skrum og glys hefur svo dugað til að glæpagengið er BEÐIÐ UM ÞAÐ AF KJÓSENDUM SÍNUM, aftur og aftur að halda áfram að ræna framtíðina, svipta okkur sjálfsvirðingunni sem samfélag, og halda lýðnum föstum sem leiguþýinu sem hann skal vera. Það sést glöggt á örvæntingarfullri viðleitni þeirra varðandi að flýta *stóru málunum* og ofsanum sem er kominn í einkavæðingartilburðina, að þau skynja að það er að fjara undan þeim….sem gerir þau enn hættulegri en fyrr.

Auðlindirnar allar, fiskurinn, vatnið og orkan fást ekki viðurkenndar sem þjóðareign, heldur skulu stimplaðar ríkiseign.
Munurinn?? Jú, ríkiseign má ráðherra ráðstafa. (Svo má spyrja sig hversvegna ný stjórnarskrá skelfir gengið, því geti þau ekki haldið sínum raunverulegu umbjóðendum ánægðum…eru þau í vandræðum)

Framtíðin er að veði meðan þessi glæpalýður þrjóskast við með skítuga og blóðuga fingurna í menntakerfinu,og vilja nota það til að undirstrika vegginn sem þau vilja reisa á milli okkar og peninganna okkar, góð menntun skal vera dýr, léleg menntun í boði fyrir þá sem ekki hafa efni á því. Við sjáum heilbrigðiskerfið lagt í rúst á mettíma, á sama tíma og rotturnar byrja að rotta sig saman um áhlaup á kerfið, og slíta og rífa burtu feita bita, og halda þeim fyrir sig og sína. Svo voga þau sér að benda á spítalana og kenna þeim um ástandið.

Allsstaðar er gengið með sína kræklóttu þjófshendur, beitandi löggjafanum og ríkistofnunum á almenning eins og barefli, meðan fólk er þvingað til að láta undan kröfum gjörsamlega siðvilltra peningafíkla og gráðugra drullusokka, með lagasetningum.

Lífeyrissjóðina hefur gengið fyrir löngu tekið sér til eignar að stórum hluta, með því að sjúga til sín lífeyrisgreiðslur fólks, og aldraðir og öryrkjar, fá að kynnast því að það virðist vera refsivert athæfi af þeim að búa til, og endalausar sektir vegna þess dynja á þeim.
Það eru meindýr í innviðum samfélagsins, og það er að hruni komið…….kannski væri bara réttast að gera eins og stundum var gert við hús í sama ástandi…og brenna kofann og byggja nýjan.

Aðför að hælisleitendum, börn á flótta í stað stjórnarskrár

Aðeins rofaði þó til um tíma, og fólk varð ókyrrt og talaði um umbætur, en því var drekkt í fæðingu með ásökunum á hendur bótaþegum og þeir gerðir að blórabögglunum, og málið kæft í kjaftæði…og skrumi. Þetta sama fólk og lét glæpagengið ræna sig, eltist nú við skottið á þeim á ný, tilbúin að láta ljúga sig full á ný. Það er nefnilega kominn nýr blóraböggul…(svo nú sjá margir tækifæri til að vera sá sem sparkar, ekki sá sem sparkað er í)..og nú er blóraböggullinn flóttamenn og hælisleitendur, og búið er að stofan sérstakan stjórnmálaflokk sem gerir út á þá hugmynd, að bág fjárhagsstaða aldraðra og öryrkja markist fyrst og fremst af kostnaði við mannúðarstarf.

Það gleymist að velferðarkerfið er mannúðarstarf, og þeir sem háðir eru slíkri mannúð, skjóta skökku við kvartandi undan þeirri sömu sómatilfinningu og samkennd og saltar grautinn þeirra.

Meðlimir glæpagengisins hafa séð sér leik á borði með einn hávaðasamasta og andstyggilegasta hóp landsins, þjóðrembur og rasista, og hafa verið að kasta beinum í þá illa öldu hunda og hvetja þau til dáða.

Augljóst er, að stefna og framganga Sigríðar Anderssen er ætlað að skapa sundrungu meðal almennings og veiða atkvæði frá því illa innréttaða hópi fólks sem í heimsku sinni og ótta, vill loka landinu fyrir fólki í neyð. Á sama tíma hefur viðskipta-armur glæpagengisins, Samtök iðnaðarins og Samtök atvinnulífsins, gefið út að mörgþúsund manns vanti til vinnu í landinu næstu árin, og hafa horft algerlega blindu auga, (þrátt fyrir allt jarm vldstjórnarinnar um *vinnu gegn mansali*), á þá þrælakaupmennsku sem bætt hefur verið við afrek glæpagengisins, í formi innflutnings á erlendu þræla-vinnuafli starfsmannaleiga og verktaka.

Sveinn Gestur Tryggvason á mótmælum Íslensku Þjóðfylkingarinnar á Austurvelli þar sem nýjum útlendingalögum var mótmælt.

Svo umsvifamikið er þetta, að Europol setti landið á lista sem eitt 8 Evrópulanda sem eru endastöðvar í þrælaversluninni.
Ekki virðist okkur vanta vinnandi hendur ef fólk vill flytja hingað, og er jafnvel búið að vinna hér árum saman…því ríkisborgarar eru dýrara vinnuafl og njóta allskyns óþægilegra réttinda.

Ósvífnin og mannvonskan sem ráðuneytið og undirstofnanir þess hafa sýnt, þessi algeri skortur á sómatilfinningu, er engin tilviljun,heldur meðvituð og algerlega samviskulaus taktík….taktík sem er svo viðbjóðsleg að aðeins viðbjóðslegasta fólk fagnar framgöngunni

Það er því alveg augljóst, að ekki aðeins er glæpagengið tilbúið að spila með velferð okkar barna, og nota þau sem pólitíska skiptimynt, heldur er gengið tilbúið að nota öll börn, sem slíka skiptimynt, og þau nota ráðuneytin okkar til þess að stunda þessi viðskipti sín með börn.
Okkar börn eru seld fyrir frið frá nýrri stjórnarskrá, og flóttabörn seld fyrir atkvæði ofbeldisfyllsta og hatursfyllsta hóps samfélagsins…..

Nú eru að koma kosningar, kosningar sem komnar eru til vegna siðleysis og spillingar glæpagengisins….og enn eru þau valkostur hjá þessari hræddu litlu þjóð sem ekki þorir að svo mikið sem reyna að laga til.

Kynslóðirnar sem sköpuðu þetta ástand sem við horfum upp á, hanga enn eins og hundar á roði í heimsku sinni og þvermóðsku, og í biturð sinni og heimóttarskap standa þær eins og stöð hross í vegi fyrir hverju skrefi fram á við, og fylla loftið af súrri stækju heimsku sinnar, þegar þau standa og svívirða unga fólkið sem er rembast við að tína upp skítinn eftir þau,og bjarga framtíð sinni úr klóm glæpagengisins.
Kjósendur glæpagengisins eru nefnilega meðlimir í genginu, og fullkomnlega samsekir hverjum einasta smáglæp sem gengið hefur framið.

Hvernig væri nú, að ungt fólk drattaðist á kjörstað, og tækju löggjafann og framkvæmdavaldið úr höndum glæpalýðsins, og heimskingajanna og gamalmennanna, (sem bera alla ábyrgð á stöðunni í dag…það fór allt niður í botnlaust hít gengisins, á þeirra vakt), og taki ábyrgð á sinni framtíð sjálft?

Er ekki komið nóg af þvi að horfa upp á glæpagengi og forheimska fylgjendur þess, ráðskast með framtíð barnanna okkar?
Í höndum þessa siðvillta skríls, eru börnin okkar nefnilega bara skiptimynt, sem kemur okkur ekki við.

Haraldur Davíðsson.

Latest posts by Haraldur Davíðsson (see all)

Framtíð óskast..

| Haraldur Davíðsson |
About The Author
-