gw-badge

Það er vægast sagt vandræðalegt að hlusta á Ingu Sæland reyna að valta yfir Semu Erlu Serdar í Harmageddon. Hrokinn og skortur Ingu á þekkingu á málefnum hælisleitenda er vægast sagt vandræðalegur. Eftir því sem lengra dregur á spjallið þá kemur alltaf betur og betur í ljós að Inga Sæland er illa að sér bæði um flóttamannamál og um lögfræði. UntitledEkki svo að skilja þá eru fleiri lögfræðingar sem ekki hafa grundvallarskilning á lögfræðinni. Pétur Gunnlaugsson er einn þeirra, Jón Magnússon er annar, Einnig Vigdís Hauksdóttir. Allir þessir lögfræðingar eiga það nefnilega sameiginlegt með Ingu Sæland að vera pólitískir lukkuriddarar.

Gott og vel, þegar að grimmdin og heimskan er við stýrið, þá skipta öll heimsins lögfræðipróf engu.

Hér er heimaverkefni fyrir Ingu Sæland, lestu Flóttamannasamning Sameinuðu Þjóðanna, lestu síðan Dyflinarreglugerðina. Vertu þér út um þótt ekki sé nema grunnskilning á reglunni um frjálsa för fólks innan ESB. Lestu statístík en ekki fara með eitthvert rugl sem Magnús hefur tuggið ofan í þig. Kynntu þér ný bráðabirgðalög um komu hælisleitenda frá Balkanskaganum sem og framlengningu gildistíma þeirra laga.

Þótt Inga Sæland hafi jú byrjað með þennan Flokk Fólksins í fyrra, þá er fjöldinn allur af fólki sem búið er að fjalla um þessi mál til margra ára og þekkir raunverulega efnið, það gerir hún ekki.

Ég gef lítið fyrir svokallaða barráttu þessarar konu gegn fátækt enda hefur Inga svo sem ekki sagst muni láta um 10 Milljóna framlag ríkisins til Flokks Fólksins á ári, ganga til fátækra.

Marine Le Pen

Marine Le Pen

Hún talar jafnan um sjálfa sig eins og engil með vængi og hlýtt hjarta. En þegar betur er að gáð þá er andúð hennar á hælisleitendum grimmileg og ekki er laust við að bregði fyrir sams konar töktum í málflutningi Ingu Sæland um málefni hælisleitenda og í framsögu Marine Le Pen formanns Þjóðfylkingarinnar í Frakklandi. Þess ber að geta að Le Pen sem er í framboði til forseta í Frakklandi, var fyrir nokkrum dögum svipt þinghelgi í Evrópuþinginu vegna hatursorðræðu og er jafnvel búist við að hún muni sæta ákærum vegna þessa.

Sandkassinn hefur fjallað talsvert um æfingar Ingu Sæland í tengslum við Flokk Fólksins og sýnt fram á að Flokkurinn er Popúlískur þjóðernisflokkur sem predíkar að fjármunir skuli teknir frá hælisleitendum og flóttafólki og færðir yfir í aðra málaflokka en það er þekkt lýðskrum. Einnig að reynt var að fara á svig við kosningalögin í þeim tilgangi að ná framlögum ríkisins með sviðssettri sameiningu þriggja flokka. Þá hefur hún gefið í skyn að Ísland hafi í hyggju að taka við “milljón” flóttamönnum.

“Þjóðfylkingin, flokkur fólksins með nýju afli”

Gunnar Waage

Gunnar Waage

- Gunnar Waage er blaðamaður og ritstjóri Sandkassans frá árinu 2013.

Hann er Trommari, Tónskáld og skólastjóri Trommuskólans, fyrrverandi deildarstjóri og einn af stofnendum Tónlistarháskóla G. Martell í Mexíkóborg. Hann lauk burtfararprófi frá McNally Smith College of Music, en duflar við kerfisfræði og er áhugamaður um bardagaíþróttir. Hann rýnir í þjóðfélagsmál og lætur sig flest varða.Hann er einstæður faðir, jafnréttissinni, fjölmenningarsinni og áhugamaður um velferð barna. Starfar við túlkun og þýðingar og fæst við spænskukennslu.


Hann er pistlahöfundur á Kvennablaðinu og var pistlahöfundur á DV en hætti skrifum á DV ásamt fleirum, í þeim tilgangi að sýna blaðamönnum og ritstjórn blaðsins samstöðu í kjölfar yfirtöku á félaginu í September 2014.
Gunnar Waage

Inga Sæland les hvorki lög né reglur.

| Gunnar Waage |
About The Author
- - Gunnar Waage er blaðamaður og ritstjóri Sandkassans frá árinu 2013. Hann er Trommari, Tónskáld og skólastjóri Trommuskólans, fyrrverandi deildarstjóri og einn af stofnendum Tónlistarháskóla G. Martell í Mexíkóborg. Hann lauk burtfararprófi frá McNally Smith College of Music, en duflar við kerfisfræði og er áhugamaður um bardagaíþróttir. Hann rýnir í þjóðfélagsmál og lætur sig flest varða.Hann er einstæður faðir, jafnréttissinni, fjölmenningarsinni og áhugamaður um velferð barna. Starfar við túlkun og þýðingar og fæst við spænskukennslu. Hann er pistlahöfundur á Kvennablaðinu og var pistlahöfundur á DV en hætti skrifum á DV ásamt fleirum, í þeim tilgangi að sýna blaðamönnum og ritstjórn blaðsins samstöðu í kjölfar yfirtöku á félaginu í September 2014.