graentSandkassinn mun á næstunni fara yfir stefnu allra flokka í innflytjendamálum og málum flóttafólks og hælisleitenda sem bjóða fram í alþingiskosningum sem fara fram þann 29. Október 2016. Við munum síðan gefa út lista yfir stefnuskrá allra flokka í útlendingamálum. Sandkassinn mun að sjálfsögðu vega stefnu flokkanna og síðan gefa út hvaða flokkum við álítum treystandi til að hafa umsjón með útlendingamálum.

Píratar

Hér kemur til uppfærsla á matinu á hæfi Pírata og færast þeir upp í grænt ljós. Ástæðan er einfaldlega frábær frammistaða í málaflokknum, þar á meðal hjá Birgittu Jónsdóttur í kappræðum í Sjónvarpssal, nær stanslaust andóf gegn grófu framferði stjórnvalda gegn hagsmunum flóttafólks og hælisleitenda. Nú síðast við afgreiðslu á bráðabirgðalögum sem fela í sér að hægt sé að vísa hælisleitendum úr landi þrátt fyrir að niðurstaða Útlendingasteofnunar hafi verið kærð til Kærunefndar Útlendingamála. Góður hugur Pírata er í þessum málaflokki er afar borðliggjandi.

Ástæða er þó en til að vara við stefnuleysi Pírata í innflytjendamálum og málum flóttafólks og hælisleitenda í stefnuskrá en til skýringar þá þurfa stefnuskrár flokkanna að innihalda áform sem gefa kjósendum færi á að meta stöðu sína áður en gengið er til kosninga, þetta er síðan lykill að gagnrýni kjósenda þegar að ekki er staðið við kosningaloforð .

Við lestur á stefnuskrá í Vefkosningakerfi Pírata kemur í ljós að áform Pírata í þessum málaflokkum eru engin. Flest það sem kemur fram í afar rýrum lista yfir lífsskoðanir Pírata í málum flóttafólks og hælisleitenda, eru þættir sem nú þegar eru í lögum hér á landi samanber ákvæði Flóttamannasamnings UN sem hafa lagalegt gildi fyrir Íslenskum dómstólum. Ekki koma fram nein áform um að leggja fram frumvörp eða að koma á aðgerðaráætlun.

Engin áform er að finna hjá Pírötum í málefnum Útlendingastofnunar, aðkomu ráðherra að þeirri stofnun eða kærunefnd Útlendingamála. Engar nákvæmar vísanir eru til þeirra títt umtöluðu vandamála sem að stofnunin stendur frammi fyrir eða pólitískri harðlínu í garð hælisleitenda.

Sandkassinn vill beina því til Pírata að þeir lagi þetta fyrir kosningar svo að hægt sé að uppfæra matið á hæfi flokksins til að fara með stjórn útlendingamála. Með því að setja fram fullnægjandi stefnu í innflytjendamálaum og málefnum flóttafólks og hælisleitenda, þá á flokkurinn möguleika á að fá matið uppfært en frekar.

Kosningavakt 2016. Píratar: Grænt ljós (uppfært)

| Kosningavakt 2016 |
About The Author
- Ritstjórn