landspitali

Það er ótrúlegt að forráðamenn Landspítala Háskólasjúkrahúss skuli ekki fyrir löngu síðan hafa vísað Lífsverndar-fólki af lóðinni en félagsmenn hafa staðið að mótmælum á hverjum þriðjudegi í nokkur ár fyrir utan mæðradeild Landspítalans.

Nú skal engin allsherjar afstaða tekin hér á Sandkassanum, með eða á móti fóstureyðingum, þær eru alltaf gagnrýnisverðar í hverju tilfelli fyrir sig. En þarna er verið að veita lögbundna og þar með eðlilega þjónustu konum sem eiga fullan rétt á því að verða ekki fyrir aðsúgi og niðrandi framkomu við það eitt að þurfa að ganga inn um dyrnar á mæðradeild. Í raun er aðgerðarleysi spítalans ömurlegt.

Rétt er að þessu öfgafólki verði vísað burt af lóðinni enda hefur það allt höfuðborgarsvæðið til að koma skoðunum sínum á framfæri. Í gangi er undirskriftasöfnun á vegum Bryndísar Björnsdóttur, meðfylgjandi er bréf Bryndísar til Landspítalans:

Apr 2, 2015 — 31. mars 2015

Góðan dag.

Bryndís Björnsdóttir heiti ég og hef staðið að undirskriftasöfnun sem varðar ákall til Landspítalans um að bregðast við mótmælum sem hafa staðið yfir á lóð hans.

Lífsvernd hefur staðið að mótmælum á hverjum þriðjudegi í nokkur ár fyrir utan mæðradeild Landspítalans sem þeir sem skrifuðu nafn sitt á undirskriftalistann telja vera áreiti í garð kvenna.

Undirskriftasöfnuninni er lokið með 1.189 undirskriftir sem er merkingarbær tala en nær þúsund kvenna ganga inn um dyr Landspítalans á ári í þeim erindagjörðum er varða mótmælin.

Undirskriftalistinn var leið til þess að vekja athygli á þessari stöðu og skapa umræðu. Staðsetning mótmæla Lífsverndar eru hinsvegar ekki best til þess fallinn að eiga slíkt samtal. Ávarp Lífsverndar varðar aðra átakalínu en þá persónulegu sem konur mæta þegar þær ganga þar inn.

Á grundvelli samkomulags þessa samfélags býður Landspítalinn upp á þjónustu og aðstöðu samkvæmt því. Konur sem ganga þar inn eru þó ekki einungis komnar til að leita lagalegs réttar síns, heldur fremur til að fylgja ákvörðunarrétti, byggðum á persónulegum aðstæðum og forsendum. Ákvörðunin sem konur mæta byggist á því að geta metið stöðuna og forsendur sem falla að þeim og þeirra friðhelgi. Landspítalinn býður því upp á einstaklingsviðtöl hjá félagsráðgjöfum en aðgengi að þeirri þjónustu hefur þó einnig þótt gagnrýnisverð fyrir þær sakir að biðstofan er sú sama og fyrir mæðraskoðun. Með tiliti til þessa virðist sem Landspítalinn gefi lítinn gaum að því að virða þau ólíku tilfelli kvenna sem leita eftir þeirri þjónustu sem er þar í boði. Einkum ef litið er til þess að Landspítalinn er eina stofnunin sem konur geta leitað til og gegnir þar með veigamiklu hlutverki í þessum margvíslegu sögum kvenna. Mikilvægt er fyrir konur í þessari stöðu að finna að til sé samfélag sem er fært að mæta hverri og einni þeirra með skilningi, jafnt fyrir sem og eftir ákvörðunartökuna.

Fram að þessu hefur Landspítalinn ekki tjáð sig opinberlega um afstöðu sína til þess að mótmæli séu haldin gegn þeim sem leita þangað.

Undirskriftalistinn er því hér með borinn til stjórnar Landspítalans í von um að sjúkrahúsið bregðist við þessum röddum. Mikilvægt er að afstaða sé tekin í þessu máli.

Virðingarfyllst,

Bryndís Björnsdóttir.

leiðari

Hisabati (kutoka Kigiriki μάθημα máthēma, "maarifa, utafiti, kujifunza") ni utafiti wa mada kama vile wingi (idadi), muundo, nafasi, na change. ni mbalimbali ya maoni kati ya wanahisabati na falsafa kama wigo halisi na ufafanuzi wa hisabati.

Mathematicians kutafuta mwelekeo na matumizi yao ya kuunda dhana tu mpya. Mathematicians kutatua ukweli au uwongo wa dhana tu na ushahidi hisabati.

Mótmæli á lóð Landspítalans

| Leiðari |
About The Author
- Hisabati (kutoka Kigiriki μάθημα máthēma, "maarifa, utafiti, kujifunza") ni utafiti wa mada kama vile wingi (idadi), muundo, nafasi, na change. ni mbalimbali ya maoni kati ya wanahisabati na falsafa kama wigo halisi na ufafanuzi wa hisabati. Mathematicians kutafuta mwelekeo na matumizi yao ya kuunda dhana tu mpya. Mathematicians kutatua ukweli au uwongo wa dhana tu na ushahidi hisabati.