Það er með einsdæmum hvernig tekist hefur að klúðra færslu á ferðaþjónustu fatlaðra yfir til Strætó. Þjónustan hefur svo sem ekki gengið átakalaust í gegn um tíðina enda er hún þess eðlis að erfitt er fyrir bílstjórana að halda áætlun þar sem að Leiðarkerfið er síbreytilegt dag frá degi. Hver farþegi er með sér þarfir. Engir tveir áfangastaðir eru eins. En þetta átti samt ekki að vera ástæða til að flutningur á þjónustunni færi í vaskinn enda hefði verið hægt að koma í veg fyrir það með eðlilegu eftirliti.

En það er æði margt fleira sem er í ólagi hjá þessum hópi. Þess eru dæmi að verið sé að láta einstaklinga með þroskahömlun flytja stanslaust úr einu bráðabirgðahúsnæði í annað. Á hverjum nýjum dvalarstað fær starfsfólk síðan takmarkaðar upplýsingar um lífshætti og áhugamál viðkomandi, sem síðan hefur skerta hæfileika til að tjá sig um þarfir sínar og væntingar. Fólk missir samband við vini, flosnar upp úr áhugamálum sínum o.s.frv. Þarna er unnin varanlegur skaði á lífsgæðum fólks.

Börn og unglingar með væga þroskahömlun fá ekki að velja hvort þau vilji ganga í almenna grunnskóla eða stunda nám sitt í sérdeildum. Þetta, þrátt fyrir að talsverð umræða hafi skapast um þetta á undanförnum árum og að ljóst sé að mörgum börnum og unglingum sem eru með væga þroskahömlun, líður illa í almenna skólakerfinu. Yfirvöld draga lappirnar í að taka á þeirri sjálfsögðu kröfu sem skapast hefur hjá foreldrum barna og unglinga með þroskahamlanir, að þeim sé gert það frjálst að sækja nám í þá skóla þar sem líðan þeirra er góð.

Og hér er einungis verið að klóra í yfirborðið á gríðarlegum óleystum úrlausnarefnum sem hinu opinbera er þó fullkunnugt um. Á meðan allt of mikill tími og orka fer í það að fjalla um innflytjendagrýluna, þá eru raunverulega mál að íþyngja stórum hópi fatlaðra einstaklinga dag hvern, mál sem svo lítið mál væri að leysa ef einhver raunverulegur áhugi væri fyrir hendi. Ef þetta væri málaflokkur sem væri aðnjótandi pólitískrar hylli á sveitarstjórnarstiginu á við tal um múslimavandræði í öðrum löndum, þá hefði fatlað það fólk betra á Íslandi.

leiðari

Hisabati (kutoka Kigiriki μάθημα máthēma, "maarifa, utafiti, kujifunza") ni utafiti wa mada kama vile wingi (idadi), muundo, nafasi, na change. ni mbalimbali ya maoni kati ya wanahisabati na falsafa kama wigo halisi na ufafanuzi wa hisabati.

Mathematicians kutafuta mwelekeo na matumizi yao ya kuunda dhana tu mpya. Mathematicians kutatua ukweli au uwongo wa dhana tu na ushahidi hisabati.

Óásættanleg framkoma ár eftir ár við fatlaða.

| Leiðari |
About The Author
- Hisabati (kutoka Kigiriki μάθημα máthēma, "maarifa, utafiti, kujifunza") ni utafiti wa mada kama vile wingi (idadi), muundo, nafasi, na change. ni mbalimbali ya maoni kati ya wanahisabati na falsafa kama wigo halisi na ufafanuzi wa hisabati. Mathematicians kutafuta mwelekeo na matumizi yao ya kuunda dhana tu mpya. Mathematicians kutatua ukweli au uwongo wa dhana tu na ushahidi hisabati.