Bingi_front

gw-badge

Magnús Þór Hafsteinsson oddviti á lista Flokks Fólksins og fyrrverandi þingmaður Frjálslynda Flokksins er nú ritstjóri á eyjan.is samkvæmt orðum Björns Inga Hrafnssonar í samtali við blaðamann Stundarinnar. “Björn Ingi Hrafnsson segir í samtali við Stundina að skoðanir Magnúsar Þórs skipti ekki máli í starfi hans sem ritstjóri fjölmiðils.”

Magnús Þór er á lista yfir Íslenska Ný-rasista hér á Sandkassanum enda með fremur óumdeildan feril að baki í þeim efnum. Sjá einnig “Magnúsar Saga“.

Það verður seint hægt að halda því fram að Framsóknarslagsíða hafi ekki verið umtalsverð á eyjunni. Upphæpaðir lítt markverðir þingmenn flokksins og þeirra stefnumál, í bland við einbeittan aðsúg að andstæðingum flokksins og þá sérstaklega í garð Pírata.

Nú má greina nokkra þyngingu í furðulegum fréttaflutningi eyjunar af t.d. glæpum í Svíþjóð og er framsetning ritstjórnar afar villandi svo ekki sé meira sagt. Sem dæmi þá gefur grein nýs ritstjóra: “Vargöld í Stokkhólmi: Lögregla biður um liðsauka”, í skyn að glæpatíðni í Svíþjóð hafi verið á einhverri uppleið sem er rangt.

Björn Ingi Hrafnsson hefur einnig lýst áhuga á að þjóðernispopúlistinn Sigmundur Davíð Gunnlaugsson skipi sæti oddvita Framsóknar og Flugvallarvina í Reykjavík í komandi sveitarstjórnarkosningum. Ef að marka er ítarlega framsetningu þeirrar spurningar í frásögn af viðtali Björns Inga við þær Kolbrúnu Bergþórsdóttur og Arnþrúði Karlsdóttur, hvort Sigmundur muni verða í forystu Framsóknar í Reykjavík:

Einnig var rætt um frammistöðu minnihlutans í borginni og þeirri spurningu varpað fram hvort Sigmundur Davíð Gunnlaugsson alþingismaður og fyrrum forsætisráðherra og formaður Framsóknarflokksins muni taka keflið sem oddviti lista Framsóknarsflokksins í borgarstjórnarkosningunum sem nálgast nú hratt.

Heil langloka og heil frétt er rituð um málið á eyjunni  þrátt fyrir að það hafi verið fyrirferðarlítið í viðtalinu sjálfu enda gaf Kolbrún Berþórsdóttir lítið fyrir þessar hugmyndir Björns Inga um að Sigmundur Davíð ætti að verða oddviti flokksins. Hér er á ferðinni kombo, Bingi & Magnús, sem ástundar skapandi skrif svo ekki sé meira sagt. Ritstjórinn og eigandinn augsýnilega á fullu við að reyna að gera eitthvað úr þjóðernispopúlistanum sem engin vill vinna með og á Sigmundur það sameiginlegt með Geert Wilders í Hollandi.

Þekktur andstæðingur innflytjenda skrifar nafnlaust á Eyjuna

Magnús Þór Hafsteinsson, sem skipaði oddvitasæti í Flokki fólksins og er þekktur andstæðingur flóttamanna, skrifar nafnlausar greinar á Eyjuna.is, meðal annars um að „vargöld” sé í Stokkhólmi, höfuðborg Svíþjóðar, vegna glæpa. Nýjasta grein hans bar yfirskriftina „Vargöld í Stokkhólmi: Lögreglan biður um liðsauka”.

Gunnar Waage

Gunnar Waage

- Gunnar Waage er blaðamaður og var ritstjóri Sandkassans frá árinu 2013 - Júlí 2017

Hann er Trommari, Tónskáld og skólastjóri Trommuskólans. Hann lauk burtfararprófi frá McNally Smith College of Music, en duflar við kerfisfræði og er áhugamaður um bardagaíþróttir. Hann rýnir í þjóðfélagsmál og lætur sig flest varða.Hann er einstæður faðir, jafnréttissinni, fjölmenningarsinni og áhugamaður um velferð barna. Starfar við túlkun og þýðingar og fæst við spænskukennslu.


Hann er pistlahöfundur á Kvennablaðinu og var pistlahöfundur á DV en hætti skrifum á DV ásamt fleirum, í þeim tilgangi að sýna blaðamönnum og ritstjórn blaðsins samstöðu í kjölfar yfirtöku á félaginu í September 2014.
Gunnar Waage

Rasisti nýr ritstjóri á Eyjunni, heimasíðu Framsóknarflokksins.

| Gunnar Waage |
About The Author
- - Gunnar Waage er blaðamaður og var ritstjóri Sandkassans frá árinu 2013 - Júlí 2017 Hann er Trommari, Tónskáld og skólastjóri Trommuskólans. Hann lauk burtfararprófi frá McNally Smith College of Music, en duflar við kerfisfræði og er áhugamaður um bardagaíþróttir. Hann rýnir í þjóðfélagsmál og lætur sig flest varða.Hann er einstæður faðir, jafnréttissinni, fjölmenningarsinni og áhugamaður um velferð barna. Starfar við túlkun og þýðingar og fæst við spænskukennslu. Hann er pistlahöfundur á Kvennablaðinu og var pistlahöfundur á DV en hætti skrifum á DV ásamt fleirum, í þeim tilgangi að sýna blaðamönnum og ritstjórn blaðsins samstöðu í kjölfar yfirtöku á félaginu í September 2014.