Mynd unnin af Valdimar Ö. Matt

Mynd unnin af Valdimar Ö. Matt

er krafa Arnþrúðar og Péturs um að njóta skjóls píslarvættis til framtíðar sem fallinnar fjölmiðlahetju, á rökum reist?

Arnþrúður Karlsdóttir & Pétur Gunnlaugsson, hafa bæði hlotið nafnbótina “Kúkur Mánaðarins“. Arnþrúður hefur einnig hlotið “blaðamannaverðlaun Sandkassans: Versti Blaðamaður Ársins 2016“.

Nú hafa þau lýst því yfir að ef Hæstiréttur ógildi ekki úrskurð Póst-og fjarskiptastofnunar eftir helgi, þá muni stöðin þurfa að loka. Ákvörðun Póst & fjarskiptastofnunar um að leggja dagsektir á Stöðina er til komin vegna notkunar stöðvarinnar á tíðni sem þau hafa ekki leyfi til að nota.

En er krafa Arnþrúðar og Péturs um að njóta skjóls píslarvættis til framtíðar sem fallinnar fjölmiðlahetju, á rökum reist?

Skoðum aðeins afrekaskrá Útvarps Sögu og veltum því fyrir okkur hvers lags starfssemi er þarna mögulega að leggja upp laupana eftir helgi. Það er svo sem þekkt afstaða Sandkassans að Útvarp Saga sé miðill sem hefur brotið á mörgu fólki og í raun gert afbrot í garð minnihlutahópa að sínu sérsviði. Að starfssemi sem þessi sé svo glæpsamleg að hún ætti ekki að leyfast. En hér á eftir fer einungis dropi úr skúringafötunni. Einnig er vert að minna á að hér á Sandkassanum hefur lengi verið haldið úti Svörtum lista yfir fyrirtæki sem við ráðleggjum unnendum fjölmenningar að sneiða hjá, m.a. vegna viðskipta þeirra við útvarpsstöðina. Ef að eitthvað er að marka yfirlýsingar stjórnenda stöðvarinnar um að lokað verði eftir helgi, þá að sjálfsögðu verður hér sett í annál og endalokum þessa sorpmiðils fagnað:

Stiklað á stóru um afrekaskrá Arnþrúðar og Péturs

women-naziEn það hefur einhvernvegin legið í augum uppi að skötuhjúin hafa í nokkurn tíma leitað að ástæðu til að loka stöðinni. Þau hafa beinlínis hótað því ítrekað við hvert fótmál en sú ástæða sem til tekin er af þeim í dag þykir okkur ekki trúverðug, Staðreyndin er að starfsmenn stöðvarinnar sæta ítrekuðum málsóknum og ákærum frá Ríkssaksóknara fyrir hatursorðræðu og má í raun telja þá stöðu sem og vafasama rekstrarhætti stöðvarinnar vera ástæður fyrir yfirvofandi lokun.

Þau telja sig sæta ofsóknum sem séu reknar og kostaðar af auðjöfrinum George Soros og kenna einnig RUV Ríkisútvarpinu um ófarir sínar í rekstri. Þau segja einnig aðra fjölmiðla flytja ýmist falsfréttir eða að þeir flytji ekki fréttir að yfirlögðu ráði. Þau hafa einnig haldið því fram að Panama-skjölin sem innihéldu upplýsingar um viðskiptavini Mosak Fonseca í Panama, hafi einungis fjallað um Sigmund Davíð Gunnlaugsson fyrrverandi forsætisráðherra og hafi verkefnið verið einungis sett á fót til að koma honum frá völdum. Bak við þetta hafi staðið erlendir aðilar. Þau hafa ítrekað tekið undir það sjónarmið Sigmundar Davíðs um að hvergi í heiminum hafi verið fjallað um Panama-skjölin nema á Íslandi og sérstaklega á RUV.

Starfsmenn Útvarps Sögu hafa afneitað hlýnun jarðar og gagnrýnt áform um að stemma stigu við losun gróðuhúsalofttegunda. Starfsmenn stöðvarinnar aðhyllast einnig Donald Trump Bandaríkjaforseta og stefnu hans í hinum ýmsu málum og er gagnrýni á stefnu Trumps jafnan illa tekið á stöðinni. Andstaða við Evrópusambandið og krafa um úrgöngu úr Schengen sem og kröfur um að hætt verði að taka við ferða & flóttafólki frá Múslimaríkjum er aðalsmerki stöðvarinnar sem og fréttaflutningur stöðvarinnar af því sem þau kalla “No go zones” í Svíþjóð og stríðsástandi á götum úti þar í landi vegna Islam væðingar.

Útvarpsstjóri hefur ítrekað flutt fréttir af því að ISIS menn séu með aðsetur hér á landi frá því á árinu 2015. Þessar fréttir hafa ekki fengist staðfestar hjá yfirvöldum. Þá hefur Útvarpsstjóri sagt hælisleitendur vera burðardýr með fíkniefni og að í raun öll burðardýr sem stöðvuð séu í Keflavík séu hælisleitendur en að um þetta megi ekki tala. Útvarp Saga sé þó sá miðill sem flytji slíkar fréttir enda sé stöðin eini óháði miðillinn sem ekki er kostaður af erlendum áróðursöflum.

joseph-goebbels

Ýmis alvarleg mál hafa komið upp í útsendingum stöðvarinnar, þar á meðal héldu innhringjendur því fram að flóttafólk í Arnarholti hefði hópnauðgað barni í sundlauginni á Kjalarnesi. Þessi málflutningur fékk að ganga óáreittur í innhringitímum í nokkra daga án þess að þáttastjórnendur eða Útvarpsstjóri kannaði hvort atburðurinn hefði í raun átt sér stað. Umræðunum sem urðu langar og háværar var síðan útvarpað í endurtekinni dagskrá og einnig er efnið að finna í upptökusafni stöðvarinnar. Reynt hefur verið að fá Lögreglu til að ákæra stöðina vegna útsendingar og dreifingar á hatursorðræðu í tengslum við þetta mál en lögregla hefur ekki fengist til þess á þeim forsendum að flóttafólkið sjálft þurfi að óska eftir rannsókn.

Þá óskaði Arnþrúður Karlsdóttir eftir upplýsingum um blaðakonu á Stundinni og gaf út tölvupóstfang sem hlustendur gætu notað til að koma til sín öllum hugsanlegum upplýsingum um blaðakonuna. Ástæðan var viðtal sem blaðakonan tók við Gunnar Waage ritstjóra Sandkassans.

Á síðasta ári dreifði Arnþrúður Karlsdóttir heimilsfangi Gunnars Waage um internetið, þar á meðal á facebook síðuna stjórnmálavaktin en þar halda til meðlimir Íslensku Þjóðfylkingarinnar, bæði Arnþrúður Karlsdóttir og Pétur Gunnlaugsson eru meðlimir í hreyfingunni og yfirlýstir stuðningsmenn. Í framhaldi hafa tvívegis verið framin alvarleg skemmdarverk á heimili Gunnars. Mótrök starfsmanna stöðvarinnar hafa verið þau að Gunnar Waage sé hvort eð er skráður í símaskrá þannig að dreifing Arnþrúðar á persónuupplýsingum hans hafi verið eðlileg.

ARNÞRÚÐURAlvarleg morðhótun var sett fram á facebook síðu Arnþrúðar Karlsdóttur í garð Gunnars Waage á þræði þar sem Arnþrúður sagði Gunnar vera hættulegan og afbrigðilegan ofbeldismann sem beitti konur ofbeldi. Síðast þegar það var athugað hafði Arnþrúður ekki tekið morðhótunina í burtu.

Arnþrúður hefur einnig sagt baráttukonuna Semu Erlu Serdar vera “hættuleg”. Sr. Davíð Þór Jónsson segir hún vera guðlausan “klámkarl” og má í raun segja að flest það fólk hafi orðið fyrir barðinu á öfgafullum yfirlýsingum þáttastjórnenda stöðvarinnar, sem gagnrýnt hefur Útvarp Sögu fyrir það sem almennt eru álitnar sögufalsanir, staðreyndavillur og hatursáróður í garð minnihlutahópa og þá sérstaklega flóttafólks.

Sandkassinn

Sandkassinn

Ritstjórn
Sandkassinn

Latest posts by Sandkassinn (see all)

Útvarp Saga sviðsetur píslarvætti sitt

| Sandkassinn |
About The Author
- Ritstjórn